गुंफले जरी कवितेत लाख मी,
त्या! मागे परी उरतात ना ।
माझ्यासवे आठवा तुझ्या,
आजही तशाच त्या झुरतात ना ।।

मांडले जरी शब्दात कितीदा,
त्या! निशद्ब परी उरतात ना ।
माझ्यासवे आठवा तुझ्या,
आजही तशाच त्या बोलतात ना ।।

साठविले जरी कोपऱ्यात एका,
त्या! बांध परी मोडतात ना ।
माझ्यासवे आठवा तुझ्या,
आजही तशाच त्या झुरतात ना ।।

जागलो जरी राती साऱ्या,
त्या! स्वप्नात परी असतात ना ।
माझ्यासवे आठवा तुझ्या,
आजही तशाच त्या जगतात ना ।।

नसलीस जरी तू, आज सोबतीला,
त्या! सोबतीस माझ्या असतात ना ।
तुझ्याही नकळत तुझ्या आठवा,
आजही सोबत माझी करतात ना ।।

– प्रशांत
24/07/2017